Xabaringiz bor bugun ​viloyat Maktabgacha va maktab ta’limi boshqarmasi boshlig‘i Sherzod Dolimov Oltiariq tumanidagi bir qator maktab va maktabgacha ta’lim tashkilotlarida yangi o‘quv yiliga tayyorgarlik jarayoni, tarbiyalanuvchilar uchun yaratilgan shart-sharoitlar, bolalarning sog‘lom ovqatlanishi, sanitariya-gigiyena qoidalariga rioya etilishi qurilish-ta’mirlash hamda yozgi sog‘lomlashtirish ishlarining borishi bilan yaqindan tanishdi.

​O‘rganishlar davomida asosiy e’tibor quyidagi masalalarga qaratildi:

​Investitsiya dasturlari ijrosi: 1-umumta’lim maktabida investitsiya dasturi doirasida barpo etilayotgan 840 o‘rinli yangi o‘quv binoning qurilish jarayoni, shuningdek, muassasadagi inklyuziv ta’lim sharoitlari ko‘zdan kechirildi. 35, 36-DMTTlar hamda 39-maktabda olib borilayotgan qurilish-ta’mirlash ishlari sifati nazoratga olindi.

​Yozgi sog‘lomlashtirish va obodonlashtirish: 34-IDUM hamda 17-umumta’lim maktabida yozgi sog‘lomlashtirish tadbirlarining tashkil etilishi va hududlarni obodonlashtirish holati ko‘zdan kechirildi.

 6-maktabda esa yangi o‘quv yiliga ko‘rilayotgan tayyorgarlik choralari tahlil qilindi.

Maktabgacha taʼlim muassasalarida sogʻlom ovqatlanish sharoit va tozalik:

Tumandagi 5-, 25- va 37-DMTTlarda tarbiyalanuvchilar uchun yaratilgan shart-sharoitlar, bolalarning sog‘lom ovqatlanishi, sanitariya-gigiyena qoidalariga rioya etilishi hamda yozgi sog‘lomlashtirish ishlarining borishi ko‘zdan kechirildi.

​Boshqarma boshlig‘i o‘rganishlar davomida aniqlangan kamchiliklarni bartaraf etish, ishlarni muddatida va sifatli yakunlash bo‘yicha mas’ullarga zarur ko‘rsatma hamda tavsiyalar berdi.

​Farg‘ona viloyati Maktabgacha va maktab ta’limi boshqarmasi Axborot xizmati