Bugun tuman madaniyat markazida umumiy o‘rta ta’lim maktablarni “oltin” va “kumush” medallar bilan bitirgan talabalarni taqdirlash marosimi bo‘lib o‘tdi. 

Unda tuman hokimi, sektorlar rahbarlari, maktab direktorlari va bitiruvchilarnig ota-onalari ishtirok etdilar.

Barcha bitiruvchilarni tabriklab, tuman hokimi Sayidbahrom Sayidmusayev “oltin” va “kumush” medallar bilan bitirgan talabalarning ota-onalariga loyiq va munosib farzand tarbiyalaganliklari uchun samimiy minnatdorlik bildirdi.

Joriy yilda tumanidagi 33 ta umumiy o‘rta ta’lim muassasalarini 1 232 nafar o‘quvchilar bitirishmoqda. Bitiruvchilarning 92 nafari maktabni medallar bilan tamomladi.

Tadbirda iqtidorli o‘quvchilarning 83 nafariga “oltin” va 9 nafariga “kumush” medallarni tantanali taqdim etildi. 

Farg‘ona viloyati Maktabgacha va maktab ta’limi boshqarmasi Axborot xizmati.