Dang‘ara tumanidagi ta’lim muassasalarida o‘rganishlar olib borildi

Bugun viloyat Maktabgacha va maktab ta‘limi boshqarmasi boshlig‘i Sherzod Dolimov va viloyat prokurori katta yordamchisi Sirojiddin G‘oziyev boshchiligida ishchi guruh Dang‘ara tumanidagi 6-, 8-, 9-, 10-maktablarida va 37-, 38-DMTTlarida kuz-qish mavsumiga hozirlik holatlari, obodonchilik va tozalik yumushlari, kuzgi mavsumiy daraxt ekish ishlari, dars va mashg‘ulotlar hamda ta'lim-tarbiya jarayonlarini o‘rganishdi.  
Sherzod Dolimov tashrifi davomida ta’lim muassasalari rahbarlari, o‘quvchi va o‘qituvchilar bilan suhbatlashdi.
 O‘quvchilarga yaratilgan shart-sharoitlar, ularning bo‘sh vaqtlarini mazmunli o‘tkazish borasidagi ishlar, xonalarning harorati hamda yuqori sinif o‘quvchilarining davomati bilan qiziqdi.

Мaktab bitiruvchilari bilan kelajakdagi orzulari, kasb-hunar o‘rganishlari hamda qaysi OTMlarda o‘qishga istaklari borligi yuzasidan muloqotda bo‘ldi. 

Suhbat chog‘ida o‘quvchilarga o‘z tavsiya va maslahatlarini berdi.
Ishchi gruh tomonidan aniqlangan kamchiliklarni joyida bartaraf qilish chora-tadbirlari ko‘rilmoqda. 

Farg‘ona viloyati Maktabgacha va maktab ta'limi boshqarmasi Axborot xizmati.