Yig‘ilishda boshqarma boshlig‘i maktablarda ta’lim sifatini oshirish, “Ustoz-shogird” an’anasini rivojlantirish, faxriy ustozlarning umumta’lim maktablarida fan o‘qituvchilarining darslarini tahlil qilishlari, ularga metodik yordam berishlari yuzasidan o‘z fikrlarini bayon etdi.

Yig‘ilish davomida faxriy ustozlar viloyat xalq ta’limi boshqarmasi boshlig‘i Sherzod Dolimovning tashkil etgan “Faxriylar Kengashi ko‘magi” tashabbusi ayni muddao bo‘lgani, ushbu tashabbus albatta ijobiy natijalar ko‘rsatishiga ishonishlarini aytib, boshqarma boshlig‘i Sh.Dolimovga ustozlarga bo‘lgan ishonch uchun o‘z minnatdorchiliklarini bildirdilar.

Farg‘ona viloyati xalq ta'limi boshqarmasi axborot xizmati.