Sport vazirligi hamda O‘zbekiston shaxmat federatsiyasi bilan hamkorlikda “Umumiy o‘rta ta’lim maktablari o‘quvchilari o‘rtasida shaxmat bo‘yicha O‘zbekiston chempionati musobaqasini tashkil etish va o‘tkazish tartibi to‘g‘risida”gi Nizom bo‘yicha Andijon shahrida 2025-yil 13-20-yanvar kunlari umumiy o‘rta ta’lim maktablari o‘quvchilari o‘rtasida sportning shaxmat turi bo‘yicha O‘zbekiston chempionati o‘tkazilidi. 

Unda 7 yoshdan 17 yoshgacha bo‘lgan Respublika bo‘yicha jami 840 nafar o‘quvchilar qatnashdilar. Tadbirda Farg‘ona viloyati maktab o‘quvchilaridan 50 nafar shaxmatchilar ishtirok etishdi. Respublika musobaqa 3 yo‘nalishda o‘tkazildi.

Bellashuvda muvaffaqiyatli qatnashgan Beshariq tumani 49-umumimy o‘rta ta’lim 9-sinf o‘quvchisi Omonov Asrorjon klassika yo‘nalishida 3-o‘rinni, rapid yo‘nalishida 1-o‘rin va blis yo‘nalishida 1-o‘rinni egalladi. Shuningdek, qizlar o‘rtasida o‘tkazilgan musobaqaning rapid yo‘nalishida Farg‘ona shahar 6-umumiy o‘rta ta’lim maktabning 10-sinf o‘quvchisi Vasilaxon Abdujabborova 2 -o‘rinni  qo‘lga kiritdi. 

G‘oliblar musobaqa “NIZOM”iga asosan tashkilotchilar tomonidan diplom, medal va qimmatbaho esdalik sovg‘alar bilan taqdirlandilar.
Quvonarlisi, mazkur musobaqada qatnashib yuqori natija ko‘rsatgan viloyatimizning 7 nafar o‘quvchisi Jahon va Osiyo chempionatlarida davlatimiz nomidan ishtirok etish huquqini qo‘lga kiritishdi.

Farg‘ona viloyati Maktabgacha va maktab ta'limi boshqarmasi Axborot xizmati.