Farg‘ona shahar Maktabgacha va maktab taʼlimi bo‘limi tasarrufidagi "Barkamol avlod" bolalar maktabida "Hunarmandchilik va qo‘l mehnati yo‘nalishida tashkil etilgan to‘garaklar faoliyatli bilan tanishish" mavzusida bo‘lib o‘tgan PRESS-turda tadbir ishtirokchilari muassasa faoliyati, o‘quvchilarning bo‘sh vaqtlarini mazmunli o‘tkazish borasidagi ishlar, jumladan, tashkil etilgan to‘garaklar jarayonlari bilan yaqindan tanishdilar. 

Ayni damda mazkur ta’lim maskanida "Aviamodel", "Yosh dasturchi", "Shaxmat-shashka", "Mini fudbol", "Yosh ekolog", "Tasviriy san’at", "Yumshoq o‘yinchoq", "Yosh pazanda",  "Floristika", "Liboslar dizayni", "Ona tili va adabiyot", "Matematika", "Chet tili" singari to‘garaklar bolajonlar bilan gavjum. 

Anjuman doirasida tadbir qatnashchilari muassasadagi ustozlar va to‘garak a’zolari bildan suhbatlashdilar. O‘quvchilar o‘z qo‘llari bilan yasagan aviamodel, gullar va jihozlarni namoyish qildilar, fan to‘garagi a’zolari bilimlarini mustahakamlab borishayotganini, bo‘sh vaqtlari mazmunli o‘tayotganini bildirishdi. 

Ma’lumot uchun, Farg‘ona shahar “Barkamol avlod” bolalar maktabida hozirgi kunda 7 xil yo‘nalishda 19 turdagi 32 ta to‘garaklarga 525 nafar o‘quvchilar qamrab olingan. Ulardan 10 ta umumta’lim maktablarida tashkillangan tarmoq to‘garaklar soni 22 ta, o‘quvchilar soni 389 ta. Madaniyat MFYda 1 ta to‘garak 10 ta o‘quvchi. 86-imkoniyati cheklangan maktab internatida 7 ta to‘garak 87 ta va o‘z binosida 2 ta to‘garak 39 nafar o‘quvchilar qamrab olingan. 

Tadbir so‘ngida savollarga soha mutaxassislari tomonidan batafsil javoblar berildi.

Farg‘ona viloyati Maktabgacha va maktab taʼlimi boshqarmasi Axborot xizmati.