Фарғона вилоятида таълим сифати ва баҳолаш тизимини такомиллаштириш мақсадида янги баҳолаш тартиби босқичма-босқич жорий этилмоқда.

Ҳозирда вилоятдаги 210 та умумий ўрта таълим мактаби мазкур тизимга ўтган.

2026-йил 10–18-март кунлари эса 166 та мактабда 5–11-синф ўқувчилари учун ЧСБ (чораклик сумматив баҳолаш) тест синовлари онлайн шаклда ўтказилмоқда.

Тест жараёнлари ўқувчиларнинг билим даражасини холис ва шаффоф баҳолаш ҳамда таълим самарадорлигини оширишга хизмат қилмоқда.

Жараёнлар барча мактабларда белгиланган тартиб асосида ташкил этилмоқда.

Фарғона вилояти Мактабгача ва мактаб таълими бошқармаси Ахборот хизмати